शेतकरी म्हणतो — “आम्ही उभे आहोत… पण कुठपर्यंत?
सामाजिक कार्यकर्ते - ज्ञानेश्वर सैदाणे
त-हाडी :- शेती म्हणजे नशिबाचा खेळ नाही… तर घाम आणि जोमानं उभारलेली स्वप्नं! पण गेली काही वर्षे ही स्वप्नं सतत तुटण्याचाच क्रम सुरू आहे. नुकत्याच झालेल्या अवकाळी पावसामुळे शेतकऱ्यांचे कांदा, मका, भाजीपाला यांसारखे लाखो रुपयांचे पिकांचे नुकसान झाले. त्यावर शासनाने दिलेले आश्वासन — “दिवाळीपूर्वी भरपाई तुमच्या खात्यात”… हे ऐकून शेतकऱ्यांनी दिवाळीचा दिवा आशेने पेटवला. पण दिवाळी सरली, सण-सोहळा संपला आणि शेतकऱ्यांच्या खात्यात पडला तो फक्त भोपळा!
भरपाईच्या नावावर नुसती कागदपत्रे, सर्व्हे, पंचनामे — पण प्रत्यक्ष मदत मात्र गायब!
शेतकऱ्यांनी कर्ज काढून, पैसे उसने घेऊन, मुलांच्या शिक्षणाची काळजी बाजूला ठेवून पीक उभं केलं. पण पावसानं आणि सरकारी दिरंगाईनं त्या मेहनतीला पुन्हा पाणी पाजलं.
दिवाळीनंतरचा दुबार घाव
दिवाळीनंतर अवकाळी पावसानं पुन्हा हजेरी लावली आणि नुकत्याच सावरू लागलेल्या पिकांवर डोंगराएवढे संकट आणले:
कांदा शेतीत पाणी साचल्याने कुजण्याची भीती अधिक वाढली
मका पिकाची कणसं काळवंडत — उत्पादनात तीव्र घट
बियाणे, खत, औषधांवर केलेला खर्च पूर्णपणे वायाl
> “पाऊस आला की नाश… पाऊस नाही आला तरी नाश! आमच्या नशिबात नेमकं काय? शेतकरी-योगेश पाटील तहाडी
शेतकरी पुन्हा अहवालाच्या मागे
शेतकरी पुन्हा महसूल, कृषि विभागाच्या कार्यालयात फेऱ्या मारत आहेत.
पण प्रश्न असा की —
किती अहवाल द्यायचे? किती पंचनामे करायचे? आणि किती वेळा फसवणूक सहन करायची?
शेतकरी ठाम — पण मनातून तुटायला लागला!
शेतकरी न झुकणारा… पण सततचा फटका मनाची आणि कुटुंबाची कबुली घेतो आहे.
मुलांचे शाळेचे खर्च थांबले
घरातील कर्जाचा बोजा वाढला
दिवाळीतल्या आनंदाची जळमटं अजून सुकली नाहीत
पशुधन सांभाळायलाही पैसे उरलेले नाहीत
अन्नदात्याचा प्रश्न — मदत मिळणार तरी कधी?
सरकारने तात्काळ खालील गोष्टी कराव्यात अशी एकमुखी मागणी:
जे नुकसान झाले त्याचे तत्काळ आणि योग्य पंचनामे
दिवाळीपूर्वीचे भरपाईचे थकीत निधी कागदा पुरता न ठेवता शेतकऱ्यांच्या डायरेक्ट अकाउंट ला जमा होणे
पुढील हंगामासाठी व्याजमुक्त कर्ज उपलब्ध करणे
हवामानबदल लक्षात घेऊन कृषी विमा रक्कम वेळेत देना
शेतकऱ्यांची खरी गरज ओळखून स्थिर धोरण तयार करणे
आशेचा दिवा अजून तेवत आहे…
धूळधाणीतली माती, तुकडा-तुकडा झालेलं स्वप्न, आणि डोळ्यातील आशा…
हा शेतकरी अजूनही उभा आहे —
कारण तो पडला तर देश पोटभर कसा खाणार? एक शेतकरी.
